تاراز قالاسىنداعى دوستىق ۇيىندە وبلىستىق قازاقستان حالقى اسسامبلەياسى كەڭەسىنىڭ وتىرىسى ءوتتى. كەڭەستى قحا حاتشىلىعى مەڭگەرۋشىسىنىڭ مىندەتىن اتقارۋشى جاسوركەن جاقسىلىق پەن جامبىل وبلىستىق قحا ءتوراعاسىنىڭ قوعامدىق ورىنباسارى يۋريي ميناكوۆ اشىپ، جۇرگىزدى دەپ جازادى Qamshy.kz اقپارات اگەنتتىگى
كۇن تارتىبىندەگى بەلگىلەنگەن ماسەلەلەر بويىنشا قازاقستاندىق بىرەگەيلىك پەن بىرلىكتى نىعايتۋ جانە «ماڭگىلىك ەل» جالپىۇلتتىق پاتريوتتىق يدەياسىن ىسكە اسىرۋ جونىندە اتقارىلىپ جاتقان جۇمىستار تۋرالى ت.رىسقۇلوۆ، مويىنقۇم اۋدانى اكىمدەرىنىڭ ورىنباسارلارى مەن وبلىس اكىمدىگى ءبىلىم باسقارماسىنىڭ «تاربيە جانە قوسىمشا ءبىلىم بەرۋ» ءبولىمىنىڭ باسشىسى گۇلزيرا دارىبايەۆا بايانداما جاسادى. قازاقستان حالقى اسسامبلەياسىنىڭ «قازاقتانۋ» مادەني-اعارتۋشىلىق جوباسىن ىسكە اسىرۋ بويىنشا اتقارىلعان جۇمىستار تۋرالى جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ۋبايدۋللايەۆا، «ارحىز» رەسپۋبليكالىق قوعامدىق بىرلەستىگىنىڭ بىرلىك-قاراشاي-بالكارلاردىڭ جامبىل فيليالى» قوعامدىق بىرلەستىگىنىڭ جەتەكشىسى لەليا ۋزدەنوۆا جانە سونىمەن قوسا، «جامبىل وبلىستىق «ۆىنحۋا» دۇنگەندەر اسسوسياسياسىنىڭ مادەني ورتالىعى» قوعامدىق بىرلەستىگىنىڭ ءتوراعالارى جانە اۋدان اكىمدەرىنىڭ ورىنباسارلارى پىكىرلەرىمەن ءبولىستى. جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ۋبايدۋللايەۆا ءوزىنىڭ بايانداماسىندا جوسپارلانعان ءىس-شارالارعا سايكەس «قازاقتانۋ» باعدارلاماسى بويىنشا 2018 جىلى جامبىل وبلىسىنىڭ قازاقستان حالقى اسسامبلەياسىندا 15 ءىس-شارا، 2019 جىلدىڭ ءبىرىنشى جارتى جىلدىعىندا بارلىعى 6850 ادام قاتىسقان 11 ءىس-شارانىڭ وتكىزىلگەندىگى تۋراسىندا اتاپ ءوتىپ، ەكىنشى جارتى جىلدىققا جوسپارلانعان قالعان 11 ءىس-شارا جونىندە قىسقاشا مالىمەت بەردى.
-2019 جىلدىڭ ەكىنشى جارتى جىلدىعىنا 11 ءىس-شارا جوسپارلانعان. «مامىلە» كلۋبى، شەبەرلەردىڭ قولونەر كلۋبى ءوز جۇمىسىن جالعاستىرۋدا. «قازاقتانۋ» - قازاقستاننىڭ بارلىق ەتنوستارى اراسىندا قازاق مادەنيەتىن، تاريحىن، فيلوسوفياسىن، ءتىلىن ۇيرەنۋگە جانە ناسيحاتتاۋعا باعىتتالعان جوبا. وسى تۇستا جوبانىڭ جاستار ءۇشىن ەرەكشە ماڭىزدىلىعىن اتاپ وتكىم كەلەدى. اتالمىش جوبا قازاق مادەنيەتىنىڭ داستۇرگە باي تاريحىنا تەرەڭ ۇڭىلە بىلۋگە، كوشپەلى حالىقتىڭ سان عاسىرلىق فيلوسوفياسىن ءتۇسىنۋ مۇمكىندىگىنە جەتەلەيدى. ول قازاق حالقىنىڭ قۇندىلىقتارىن رۋحاني قابىلداۋ ارقىلى جاس قازاقستاندىقتاردى بىرىكتىرۋگە جاڭا سەرپىن بەرە الادى، - دەدى ر.ۋبايدۋللايەۆا.
وبلىستىق قازاقستان حالقى اسسامبلەياسى كەڭەسىنىڭ وسى وتىرىستاعى شەشىمى بويىنشا ت. رىسقۇلوۆ، مويىنقۇم اۋدانى اكىمى ورىنباسارلارىنىڭ جانە وبلىس اكىدىگى ءبىلىم باسقارماسى باسشىسىنىڭ اتقارعان جۇمىستارى تۋرالى ەسەبى نازارعا الىنۋى، وبلىس اكىمدىگىنىڭ باسقارما باسشىلارىنا جانە تاراز قالاسى مەن اۋدان اكىمدەرىنە قازاقستاندىق بىرەگەيلىك پەن بىرلىكتى نىعايتۋ جانە - «ماڭگىلىك ەل» جالپىۇلتتىق پاتريوتتىق يدەياسىنىڭ جۇزەگە اسىرىلۋى بويىنشا اقپاراتتاندىرۋ جۇمىستارىن كۇشەيتۋ، سونداي-اق
قوعامدىق كەلىسىم كەڭەستەرى، انالار كەڭەسى جانە كاسىبي ەمەس مەدياتورلاردىڭ جۇمىسىن جانداندىرۋ. وسى شەشىمنىڭ ورىندالۋى تۋرالى اقپارت 2019 جىلدىڭ 26-قاراشاسىنا دەيىن وبلىستىق قازاقستان حالقى اسسامبلەياسى حاتشىلىعىنا بەرىلۋى؛ وسى شەشىمنىڭ ورىندالۋىن قاداعالاۋ وبلىستىق قحا حاتشىلىعىنىڭ باس ينسپەكتورى ج. جاسوركەنگە جۇكتەلۋى سىندى ماسەلەلەرنى العا قويىلدى.
جيىن سوڭى ق ر 2008 جىلعى 20 قازانداعى «قازاقستان حالقى اسسامبلەياسى تۋرالى» زاڭىنا سايكەس، ەتنومادەني بىرلەستىكتەر باسشىلارىنىڭ ەسەپتەرىنىڭ نازارعا الىنۋى، جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسىنا - ەتنومادەني بىرلەستىك وكىلدەرى مەن جاستارىنا قازاق حالقىنىڭ تانىمال عىلىمي، دەرەكتى، كوركەم فيلمدەردىڭ كورسەتىلىمدەرى مەن تالقىلاۋلارىن ۇيىمداستىرۋ، سونداي-اق اعا بۋىن مەن جاستارعا ايماقتىق تاريحي ورىندار مەن قورىقتارعا ساياحات جاساتىپ، قازاق حالقى تاريحىنىڭ ۇمىتىلماس بەتتەرىن زەردەلەۋ تۋرالى ۆيكتورينا مەن ينتەللەكتۋالدى تۋرنير ۇيىمداستىرۋ سياقتى اسسامبلەيا ءىس-شارالارىن ىسكە اسىرۋ جونىندە جامبىل وبلىسى قازاقستان حالقى اسسامبلەياسى كەڭەسىنىڭ شەشىم قابىلداۋىمەن اياقتالدى.
پىكىر قالدىرۋ